Mera naam prateek raaz hai. Ye baat us waqt ki hai jab main
mass communiction part 2 mein padhta tha. Jab main college life mein tha tab
hamesha yahi sochta jo pyaar karte hai wo pagal hote hai. Main apni life se
bahut khush tha. Fir ek din mere sath bhi wahi hua jo pyaar karne walon ke sath
hota hai, jab mere coaching class mein Simran aayi, haan, uska naam Simran tha.
Jo bahut hi cute (Beautiful) thi. Uski khoobsurat aankhien jisse uska pavitra
dil saaf dikhayi deta tha. Wo mujhe pahli hi nazar mein bha gayi thi. Dhire-dhire
humari dosti ho gayi, hum massege aur call par baat karne lage. Ek din maine
use propose kar diya, Simran ne mujhse ek din ka waqt manga aur maine use kaha
theek hai. Next day Simran ne mujhe wo khushi di jiski mujhe talash thi, Simran
ne mera proposal accept kar liya tha aur mujhe haan kar diya. Main bahut khush
tha… Phir hum daily milne lage. Milte-milte na jaane humein kiski nazar lag
gayi ki Ek din humara jhagda ho gaya, main use waqt nahi de pa raha tha kyunki
B.A. II year mein mere marks kam aaye the aur B.A. III year mein main padhai
mein waqt dena chahta tha, ye faisla mera apna tha. Aise hi ek raat humara
jhagda ho gaya aur maine use gusse mein na chahte hue bahut kuch kah diya. Usne
kaha agar tum mujhse baat nhi karoge to main mar jaungi. Maine socha wo mazak
kar rahi hai, koi itni si baat par marta hai kya? aur maine bhi kah diya, mar
jao. Mera itna kahna ke us pagal ne apna haath blade se kaat liya. Agle kai
dino tak jab Simran se meri mulaqaat nahi hui, tab maine uski friend se Simran ke
bare mein pucha. Uski friend ne mujhe bataya, Danish tumhari wajah se Simran ne
sucide karne ki koshish kari thi aur wo hospital mein admit hai. Ye sunkar mera
dimaag bilkul sun ho gaya, maine apne aap ko sambhala aur usse milne gaya. Jab
maine uska haath dekha to mujhe rona aa gaya. Uska hath blade se guda hua tha.
Us din mujhe realize hua ki pyaar karne wale jaan ki parwah nahi karte hai.
Maine Simran se kaha mujhe nahi pata tha ki tum mujhse itna pyaar karti ho. I
love you Simran. Wo mujhe dekh kar muskurayi jaise kah rahi ho ab main jaldi hi
theek ho jaungi. Hum phir se pahle jaise milne lage. Hum bahut khush the, magar
humari khushi zyada din tak nahi rah saki. Uske gharwalo ko humare relationship
ke baare mein pata chal gaya tha. Simran ko meri wajah se gharwalo se daat
khani padi.
Jab humare final year ka results aaya, toh Simran ke
gharwalo ne Simran ko mujhse door karne ka sara plan bana liya tha. Mujhe aaj
bhi yaad hai wo baarish ki shaam jab wo apni family ke sath humesha ke liye
mujhse door jaa rahi thi, main chup-chaap Simran ko railway-station par khade
ho kar dekh raha tha. Uski aankhon mein bhi aansu the aur meri aankhien bhi num
thi.
Aakhir train station par pahuchi, aur Simran apni family ke
sath train me chadh gayi. Main use rok sakta tha, lakin maine aisa nahi kiya.
Kyunki mujhe apni be-izzati se zyada uski izzat ki parwah thi. Simran ki family
humare relation ke baare mein jaante the. Jab train platform se aage badhne
lagi to mujhe aisa laga jaise sab kuch khatam ho gaya. Achanak Baarish tez ho
gayi, train to chali gayi aur main platform par baitha us baarish mein apni
aankhein aansu se num karta raha…
.jpg)
.jpg)
.jpg)
.jpg)
.jpg)
