Was It Love Or He Fooled Me ?

Hi Friends mera naam Bindu hai aur aaj main ap se apni true love story share kar rahi hun ….!! (Friends this a true hindi love story by Bindu)

Bat 1999 ki hai , jab main 13 saal ki thi . main bahut lucky thi ki ek middle class hindu family se hone ke bawjood bhi mujhe mere parents ne ek achche boarding school mein padne ke liye bheja. Aur usi saal ek Christian ladka jo Goa se tha vo bhi usi boarding school mein padne ke liye aaya tha . uska naam vivek tha. Ham donon ek hi class mein  padte the par hamare beech kabhi  bhi bat nahin ho pati thi , han bas kabhi kabhi ek dusre  ko dekh kar sirf muskura dete the .

Jab main class 11th mein pauchi to mujhe laga ki shayad main vivek ko pasand karne lagi hun. Vivek ladkiyon se bahut hi kam bat karta tha, par school mein vo bahut popular tha kyunki vo school ka ek bahut hi intelligent ladka tha . mujhe Vivek pahle hi  din se achcha lagaata tha, main school mein usse hi dekhti rahti thi. Kuchh hi dino mein mujhe realize hua ki vo bhi mujhe dekhta hai par meri itni himmat kabhi na ho payi ki main usse puch sakun . aur kuchh hi mahine baad class 12th ke final exam hone ke baad ham alag alag ho gaye . main apni aage ki padai ke liye Mumbai  aa gayi. Par mujhe lagaata tha ki agar main usse true love karti hun to main usse kabhi na kabhi dubara milungi .Aur kuchh saal bad , jab main MBA kar rahi thi to vo mujhe ek social networking website “ facebook “ mein mila. Maine usko friend request bheji aur usse message kar ke pucha bhi if he knows me? He replied and showed too much interest in me.  Usne kaha ki vo bhi mujhe school days mein bahut pasand karta tha par kabhi kuchh kah na saka . aur phir ham facebook  mein roj chatting karne lage  aur kuchh hi dinon mein maine usse apne dil ki bat bhi kah di ki main bhi usse bahut pasand karti thi aur aj bhi karti hun .

Aur ek din ham donon ne milne ka plan banaya aur vo mujhse milne Mumbai aaya aur jab maine usko us din dekha to vo kafi badal chukka tha , pahli bar mein to main usko pahchaan bhi nahin payi. School time mein jo charm usmein tha shayad ab vo usmein nahin raha vo kafi mota bhi ho chukka tha. isliye us din ke bad maine decide kiya ki ab main Vivek se jayda bat nahin karungi , vo mujhe call bhi karta tha par main uski calls disconnect kar deti  thi aur na hi kabhi uske messages ka reply karti thi .par kuchh dinon bad mujhe vivek ke liye thoda bura lagne laga because I thought I should not go on appearance as he is the same guy whom I have been liking for years.  Isliye main usse dubara se bat karne lagi  aur  phir se ham rat ko kafi der tak chat karte  lage.

Usne mujhe kabhi propose nahin kiya aur na hi maine  par chat mein hamari baten  GF/BF  ki  tarah hi hoti thi.  Vivek  mujhse sabhi baten share karta tha aur main bhi. 2 saal baad jab mera MBA  khatam hone wala tha to mere parents  meri shadi ke liye mere liye ladka dekhne lage  to mujhe laga ki shayad ab mujhe vivek ke sath sari baten clear kar leni chaye . isliye ek din  maine us shadi ke liye propose kiya aur us din se Vivek ne mujhe ignore karna shuru kar diya . usne mujhse kaha bhi ki ham donon alag alag community se hain aur shayad hamare beech mein shadi mushkil hai, , mujhe vivek ki yah bat sunkar bahut bura laga . aur us din se maine vivek se bat karni band kar di . mujhe is bat ka bura nahin lag raha tha ki vivek ne mujhe kyun reject kiya  balki is bat ka jyada bura lag raha tha ki jab main usko pasand nahin thi to kyun vo mujhse late night chat karta tha vo bhi  aise jaise vo mera BF ho . why he asked for kisses when we chatted ..which like a fool I accepted….
Main vivek se pyar karti thi islye mujhe bahut bura laga, kyunki  shayad vivek ne mujhe sirf apne timepass ke liye istemal kiya tha ……..!!  ab main sochti hun ki was it love or he fooled me ?…??